給我一個永久、幸福的家 We Need A Permanent & Happy Home
	中間豎耳的是囡囡, 另外兩隻是仔仔 ( 按圖看得更清楚 )

點解我地要搵新主人~?

因為狗場結束, 我地三兄妹來到了現在這個『家』暫住, 這個家原先已有四個哥哥姐姐了~

我們來到了後, 四個哥哥姐姐的主人沒有時間照顧７隻狗狗, 所以我們要盡快另覓居所.......

關於我們~

我地而家三個月大咋......

連名都未有呀.....><"

但係我地知我地呢個品種叫做 史納莎~ >> 睇多D <<

媽咪嗲地係邊個我地唔知, 佢地o係邊我地都唔知........

就連自己出生日期都唔知........

淨係知自己有少少皮膚病, 係癬o個類.....應該係皮癬菌症......  >> 睇多D <<

醫生話分開照顧會好得快d, 毛毛一定會出返ga~

其實而家我地都有搽藥同沖皮膚液ga~

已經開始好返~ 仲出緊毛毛 tim 呀~

(兩隻仔仔眼下面同背部有少許, 而囡囡就係心口有少少)

如何可以給我一個家~?  (如果你家中已有狗狗就不用看喔~^^)

要帶我地返屋企, 唔好覺得好難, 其實好簡單ga咋~

1. 你住緊o個度一定要俾養狗~ 我唔想搵第三個屋企呀~

2. 同你一齊住ge人唔反對我加入成為你地ge一份子~ 我唔想日日俾人欺負..><"

3. 你要日日都有時間去陪我, 有金錢去俾我患病時睇獸醫、肚餓時有糧食

4. 你唔可以因為屋企人懷孕、搬屋、移民或者其他原因而唔要我, 你要記住轉換主人對我係有心理影響 ga~!

5. 若果你真係要離開我, 請替我找個好歸宿............

6. 我 5 個月大 之前要去打晶片同狂犬病預防針 >> 睇多D <<

7. 我 6 個月大 ge 時候你要帶我去絕育, 以防我第日走失 / 俾人偷左之後變成 搖錢樹 (不停生產下一代)

8. 我要有足夠 ge 活動空間, 我唔可以日日困於籠中

9. 你要教我做一隻有教養 ge 狗~

10. 你唔可以將我當成一份禮物送俾人, 因為我係有生命的

11. 你要幫我適應新環境

12. 你要不停吸收關於養狗的知識, 例如狗的疾病 / 訓練等等, 了解我的一切

13. 假如你要外遊, 請在離開前先確保我會獲得妥善照顧

14. 最後, 請係睇完下面 ge 愛犬十誡：

    1. 我的生命可能有十至十五年。我怎樣離開你都會令我很痛苦。你要在養我之前緊記。

    2. 你要給我一點時間去明白你對我的要求。

    3. 你要信賴我 - 這對我的幸福是很重要的。

    4. 你不要時常對我生氣和不要禁閉我來懲罰我。你有工作、娛樂及朋友，而我卻只有你。

    5. 你要時常對我說話。即使我不懂你的語言，我也可以明白你的語氣。

    6. 你要知道無論你怎樣對我，我是永遠不會忘記的。

    7. 在你打我之前要緊記，我的牙齒可以咬傷你的手，但是我沒有這樣做。

    8. 在你罵我不合作、非常固執或懶惰之前，反問自己這是否因為我有其他煩腦。我可能得不到合適的食物、在陽光下逗留時間太長又或者我的心臟已經越來越老化和虛弱。

    9. 當我年老的時候，你要照顧我，因為你也是會老的。

    10. 當我要捱過最辛苦的歷程，千萬不可以說﹕「我不忍心看他。」或者「讓我不在場時才發生。」如果你在我身邊，我對每一件事情都會更加容易接受。你永遠不要忘記，我愛你。

決定領養我們了嗎~?

send 個 e-mail 去 dogsos@mail.hongkong.com 留低聯絡方法